Maelezo ya jumla
Wakati mwingi watu hunywa pombe ili waburudike na marafiki zao au watulize machungu fulani au ili iwasaidie kupata kupata usingizi na kuepuka ndoto mbaya au sababu nyingine nyingi.
Athari za pombe za muda mfupi
Ukinywa pombe nyingi kwa wakati mmoja inaweza kusababisha athari zifuatazo kwenye mwili wako:
- Kushindwa kuongea vizuri
- Kusinzia
- Kutapika
- Kuharisha
- Maumivu ya tumbo
- Kichwa kuuma
- Kupata shida kupumua
- Kushindwa kuona vizuri
- Kuwa na maamuzi mabovu yasiyo na busara
- Kupungua kwa uwezo wa kuratibu mambo
- Kupoteza fahamu
- Upungufu wa damu
- Koma
- Kifo
- Kupoteza fahamu kabisa (kupoteza kumbukumbu kabisa ya mambo aliyoyafanya wakati akiwa amelewa)
- Kupata majeraha baada ya ajali ya gari, kuanguka, kuchomwa na kitu, kuzama majini n.k
- Kupata majeraha baada ya kupigwa risasi au kujeruhiwa na silaha, baada ya kudhulumiwa kimapenzi, kupigana au kupiga mtu mwingine n.k
- Kuwa mlevi (haujisikii vizuri kama haujanywa)
Athari za pombe za muda mrefu
Unywaji mwingi wa bia na pombe hasa kwa muda mrefu huweza kusababisha shida zifuatazo mwilini:
- Kuathirika kwa kazi yako/ kupungua kwa utendaji kazi wako
- Kuongezeka kwa matatizo ya kifamilia yanayoweza kupelekea mahusiano kuvunjika
- Kuwa na uraibu wa pombe/ulevi
- Kuongezeka kwa uwezekano wa kupata Shinikizo la juu la damu, kiharusi, na magonjwa mengine ya moyo
- Kuongezeka kwa uwezekano wa kupata Ugonjwa wa ini
- Kuharibika kwa neva
- Kupungua kwa hamu ya kushiriki ngono/kupungua nguvu za kiume/kike
- Ubongo unaweza kuharibika kabisa
- Kupungua kwa Vitamini B1, upungufu huu unaoweza kusababisha mgonjwa kuchanganyikiwa, kuwa msahaulifu kuliko kawaida, kuwa mtu asiyejali na hata kuchanganyikiwa kabisa
- Kuwa na vidonda vya tumboni
- Pombe inaweza kusababisha kuvimba kwa kuta za tumbo Gastritis
- Utapiamlo
- Saratani ya mdomo na koo
j41bcr